Биласиз, айни пайтда Ўзбекистон миллий терма жамоаси ҳамда олимпия терма жамоаси пойтахтимизда йиғин ўтказмоқда.Миллий терма жамоамиз 10 октябрь куни ўз майдонида Яман билан баҳс юритади. Олимпия терма жамоамиз эса бугун Жанубий Кореяга йўл олади ва у ерда олимпиячиларимиз кореялик тенгқурлари билан баҳс олиб боришади.
Миллий терма жамоамизнинг кечаги машғулоти ҳам “Жар” стадионида кечди. Диққатга сазовор жиҳати шундаки, ҳозиргача олимпия терма жамоа сафида шуғулланаётган Санжар Қодирқулов кечадан миллий терма жамоага қўшилди. Ўз навбатида миллий терма жамоа йиғинга жалб этилган Остон Ўрунов ҳамда Жасурбек Яхшибоев олимпия терма жамоа ихтиёрига бориб қўшилишди. Бу ҳақда ЎФА матбуот хизмати хабар берди.