"Реал" раҳбарияти ПСЖ билан Килиан Мбаппенинг трансфери борасида келишиб олди. "El Chiringuito" хабарига кўра, "Реал" футболчининг трансфери учун 225 миллион евро тўлайди. Шунингдек, 50 миллион евро бонуслар тарзида ваъда қилинади. Шу орқали Килиан Мбаппе трансфер нархи борасида жамоадоши Неймардан ўтиб кетади.
Олдинроқ Мбаппе "Реал" билан шартнома борасида келишиб олгани борасида маълумотлар берилганди. Унинг йиллик маоши 35 миллион еврога тенг бўлади.
2017 йилда ПСЖга ўтган Мбаппе жамоаси таркибида 91 ўйинда 62 гол уриб, 33 бора ҳаммуаллиф бўлганди.