Ўзбекистон терма жамоаси ярим ҳимоячиси ва сардори Одил Аҳмедов Сурияга қарши баҳс (2:0) ҳақида фикр билдирди. "Биринчи голни тез урганимиз яхши бўлди. Баҳсни ажойиб ўтказдик, аммо камчиликларимиз бор. Уларнинг устида ишлашимиз керак. Шунга қарамай ғалабага эришдик ва бу бизга кейинги баҳсларда рухий ёрдам беради.
Одил Аҳмедов ва Элдор Шомуродов тандеми? Ҳозирги кунда Элдор ҳақиқий ҳужумчига хос ҳаракатлари билан ҳаммани ҳайрон қолдирмоқда. У бундан ҳам яхшироқ ўйнашга қодир. Тўп билан бўлганимда у қаерга пас беришимни яхши билади. Шу сабабли бир-биримизни жуда яхши тушунамиз.