Ҳиндистоннинг Нью-Дели шаҳридаги “Talkatora Indoor Stadium”да профессионал бокс кечаси бўлиб ўтди.Оқшом доирасидаги қизиқарли жанглардан бири ҳамюртимиз иштирокида кечди. Профессионал боксда мағлубиятсиз одимлаётган чарм қўлқоп устамиз Улуғбек Собиров тўққизинчи жангини ўтказди.
20 ёшли боксчимиз 8 раундлик жангда ҳиндистонлик 23 ёшли Пардип Харрерага қарши рингга кўтарилди. Улуғбек жангнинг тўртинчи раундида рақибини техник нокаутга учратиб, фаолиятидаги тўққизинчи ғалабасига эришди.
Манба: olamsport.com