Бугун, 22 февраль куни УЕФАнинг Ньон шаҳрида (Швейцария) жойлашган бош қароргоҳида Европа Лигасининг нимчорак финалига қуръа ташланди. Қуръа олдидан барча жамоалар бир саватчага жойланди, бир ассоциация вакили бўлган икки жамоа ўзаро дуч келиши истисно қилинмаганди. Фақатгина УЕФА ижроия қўмитаси қарорига кўра, Россия ва Украина жамоалари бир жуфтлик ҳосил қилмаслиги таъминланганди.
Унга кўра, бу босқичда қуйидаги жуфтликлар ҳосил бўлди:
«Челси» (Англия) – «Динамо» (Киев, Украина)
«Айнтрахт» (Германия) – «Интер» (Италия)
«Динамо» (Загреб, Хорватия) – «Бенфика» (Португалия)
«Наполи» (Италия) – «Ред Булл Зальцбург» (Австрия)
«Валенсия» (Испания) – «Краснодар» (Россия)
«Севилья» (Испания) – «Славия» (Чехия)
«Арсенал» (Англия) – «Ренн» (Франция)
«Зенит» (Россия) – «Вильярреал» (Испания)
Турнирнинг 1/8 финал ўйинлари 7 ва 14 март кунларига белгиланган. Қуръа вақтида биринчи танланган жамоалар биринчи ўйинни ўз уйларида ўтказишади.
15 март куни чорак ва ярим финал учун қуръа ташланади.
Европа Лигаси финали 29 май куни Озарбойжон пойтахти Боку шаҳридаги «Олимпийский» стадионида бўлиб ўтади.