Хабарингиз бор, Ўзбекистон Кубоги финалида "Пахтакор" ва АГМК ўзаро куч синашади. Мазкур беллашув 28 октябрь куни ўтказилади. Бироқ ЎФА матбуот хизмати ҳали учрашувнинг бошланиш вақтини маълум қилмаган. SPORTS.uz сайтига маълум бўлишича, кубок финали 15:00да старт олади. Бу маълумот "Sport" каналининг янги ҳафта учун чиқарган дастурида ўйин вақти 15:00 дея белгиланган. "Sport" каналининг ЎФА билан ҳамкорликда ишлашини инобатга олсак, финал вақти 15:00 эканлигининг эҳтимоли юқори.
Эслатиб ўтамиз, финал баҳси 28 октябрь куни Фарғонадаги "Истиқлол" стадионида бўлиб ўтади.