Кеча Россия пойтахти Москва шаҳрида ўтказилган Бутунжаҳон боксёрлар суперсерияси финалида россиялик профессионал боксчи Мурод Гассиев украиналик рақиби Александр Усикка очколар бўйича имкониятни бой берди. Жанг тўлиқ 12 раунд давом этди ва Усик ҳакамлар қарорига кўра, 120: 108, 119: 109, 119: 109 ҳисобда жангни ўз фойдасига якунлади. Бундан ташқари, у IBF, WBA, WBC камарларига эга бўлди. Демак, энди профессионал бокс оламида Усик — қирол!Усик фаолияти давомида жами 15 та жанг ўтказган, барчасида ғалаба қозонган, шуларнинг 11 тасини нокаут билан якунлаган. Гассиев фаолияти давомида 27 та жанг ўтказиб, уларнинг 19 тасини нокаут билан якунлаган.
Манба: Hordiq.uz