Ўзбекистон терма жамоаси ва Қаршининг «Насаф» клуби ярим ҳимоячиси Азиз Ғаниев Испанияга йўл олиши мумкин, деб ёзади «Championat.asia».Таъкидланишича, Азизга Испаниянинг «Тенерифе» клуби 4 йиллик шартнома таклиф қилган. Аввалроқ молиявий қийинчиликларни бошдан кечираётган «Насаф» Ғаниевни 10 миллиард сўмга сотишга тайёр эканлиги, уни эса «Сўғдиёна» сотиб олиши мумкинлиги хабар қилинган эди.
Маълумот учун 1912 йилда ташкил топган «Тенерифе» клуби айни пайтда Испания Сегундасида (Ла Лигадан кейинги лига) иштирок этмоқда. Жамоага айни дамда машҳур собиқ футболчи Хосеба Эчеберриа бош мураббийлик қилмоқда. Сўнгги бор клуб 2010 йилда Ла Лигада иштирок этган.