Осиё чемпиони ва Жаҳон чемпионати совриндори Баҳодир Жалолов эртага, 6 май куни профессионал боксда дебют жангини ўтказади.Ҳамюртимизга ушбу жангда мексикалик боксчи Уго Трухильо рақиблик қилади. Маълумот учун, Уго бунгача профессионал фаолияти давомида 5та жанг ўтказиб, уларнинг тўрттасида ғалаба қозонган (иккитаси нокаут билан). Битта жангда эса дуранг қайд этган.
«Оламспорт» нашрининг маълум қилишича, АҚШдаги «Foxwoods Resort Casino» аренасида ўтказиладиган ушбу жанг эртага тонгда, соат 05:30да «Спорт» телеканали орқали жонли эфирда намойиш этилади.
Манба: Xabar.uz