Голландия терма жамоаси бош мураббийи Рональд Куман Португалияга қарши бугунги ўртоқлик ўйинидан олдин фикрларини билдириб ўтди.Эслатиб ўтамиз, голландлар яқиндагина Англияга имкониятни бой беришган эди. Ўша баҳсда ягона тўпни инглизлар вакили Жесси Лингард киритган эди.
"Кўриниб турибди, Голландия терма жамоаси энди энг зўрлардан бири эмас. Биз юқорига кўтарилиш учун янги йўл қидиришимиз керак. Биз ҳозирнинг ўзидаёқ бошқача схемада ўйнаяпмиз. Мен португаллар билан ўйин биз учун Англияга қарши баҳсдан яхшироқ бўлади деб ўйлаяпман", - деди Куман.