Филиппинлик боксчи Мэнни Пакьяонинг навбатдаги жанги 2018 йил апрел ойида ўтказилиши режалаштирилмоқда. "Пакмэн" бундан олдинги жангини июлда австралиялик Жефф Хорнга қарши ўтказиб, очколар бўйича имкониятни бой берган.– Биз апрелда бўладиган жанг санасини аниқлаштиришни мақсад қилганмиз, – дея боксчининг промоутери Боб Арумнинг сўзларини келтиради Boxing Scene нашри. – У андеркард жангида рингга чиқишни хоҳламайди. У жанг қизиқарли бўлади деб ҳисобламоқда.
Эслатиб ўтамиз, 39 ёшли Пакьяо ўтказилган жангларида 59 ғалаба қозонган бўлса (38 нокаут), 7 мағлубият ва 2 дуранг қайд этган.