Криштиану Роналдунинг тўртинчи фарзанди дунёга келди. Бу ҳақда унинг ўзи Instagram саҳифасида маълумот берди.Ўзининг сўнгги 1 йилини Роналду билан ўтказаётган Жоржина Родригес янги туғилган қизалоқнинг онасидир. 32 ёшли футболчи ва Жоржина чақалоққа Алана Мартина деб исм беришди.
Бунга қадар Криштианунинг суррогат оналардан 3 нафар фарзанди бор эди. Кичик Криштиану айни вақтда 7 ёшда бўлса, 2017 йилнинг июнь ойида яна бир суррогат она футболчи учун эгизак фарзандлар туғиб берганди. Уларга Ева ва Матео деб исм берилди.
Жоржина Родригес ва Криштиану Роналду турмуш қуриб улгурмаган. Криштиану бунга қадар ҳам ўнлаб дугоналарга эга бўлса-да, машҳур футболчидан фарзанд кўришга фақатгина Жоржина муваффақ бўла олди.
Манба: Daryo.uz