“Бухоро”- “Қизилқум” учрашувидан (1:0) кейин ўтказилган матбуот анжуманида мезбонлар бош мураббийи Улуғбек Бақоев ўйин ҳақидаги фикрлари билан ўртоқлашди.- Ҳар бир баҳсда энг аввало мухлислар учун ўйнаймиз! Бугунги учрашув оғир ўтишини олдиндан билар эдик. Ўзбекистонда футбол ривожланмоқда. Барча жамоалар деярли тенг. Осон ва ўткинчи ўйинларнинг ўзи йўқ. Ҳар бир беллашувда жон-жаҳдимиз билан харақат қилаётганимиз ижобий натижани бериб турибди. Бугунги ўйинда “Бухоро” ишқибозларига бизни қўллаб-қувватлаб туришгани учун жамоа номидан миннатдорчилик билдираман. Йигитларимизнинг харакатларидан қониқдим. Хар бир учрашувга алоҳида тайёргарлик кўряпмиз. Ўйиндан олдин биз, рақиб жамоа дарвозасига узоқдан зарба бериш устида нисбатан кўпроқ ишладик ва бу ўз самарасини берди. Сўзим якунида барча футбол ишқибозларини ва умуман юртдошларимизни яқинлашиб келаётган Мустақиллик байрами муносабати билан чин қалбдан, ўзим ва жамоа номидан табриклайман - дея ўз фикрларини якунлади Улуғбек Бақоев.
"Бухоро" матбуот хизмати.
Манба: Championat.asia