Мадриднинг “Реал” клуби ҳужумчиси Криштиану Роналду айни дамда Португалия терма жамоаси билан Конфедерациялар кубоги мусобақаси учрашувларига тайёргарлик олиб бормоқда.Marca нашрининг хабарига кўра, Роналду терма жамоадаги дўстларига Мадриддан кетиши ҳақида айтиб ўтган.
“Реал”ни тез кунларда тарк этаман. Қарор қабул қилиб бўлинди, энди ортга йўл йўқ”, - дея иқтибос келтирди Marca нашри.
Аввалроқ, у “Реал”ни тарк этиши ҳақида клуб президенти Флорентино Пересни ҳам огоҳлантирганди.
Эслатиб ўтамиз, якшанба куни Португалия Мексика терма жамоасига қарши учрашувда майдонга тушади.
Манба: www.uff.uz