Чили терма жамоаси бош мураббийи Хорхе Сампаоли унинг жамоаси ҳақли равишда финалда ғалаба қозонганини айтиб ўтди, деб хабар бермоқда Uff.uz.
“Биз Аргентина терма жамоасидан кучлироқ эдик. Шу сабабли ҳақли равишда ғалаба қозондик, деб ўйлайман. Аслида, асосий вақтда ўйин тақдирини ҳал қилишимиз мумкин эди.
Шундай терма жамоага мураббийлик қилаётганимдан фахрланаман. Финалда асосий мақсадимиз рақибнинг етакчи футболчиларини зарарсизлантириш эди. Месси? Ҳа, у финалда мағлуб бўлди, аммо у ҳали ҳам дунёнинг энг зўри”, - дейди Хорхе Сампаоли.