Ўзбекистон миллий терма жамоаси жорий йилнинг 6 июнь куни Тошкент шаҳрида Таиланд терма жамоаси билан ўртоқлик ўйини ўтказади. Бу ҳақда ЎФФ Ахборот хизмати хабар берди.Қайд этилишича, мазкур беллашув Ўзбекистон термаси учун Эронга қарши ЖЧ-2018 турнирига саралаш босқичи “А” гуруҳи 8-тури олдидан тайёргарлик вазифасини ўтайди.
Эслатиб ўтамиз, Эрон – Ўзбекистон учрашуви 12 июнь куни Теҳрондаги “Озоди” стадионида ўтказилади. Ўйин маҳаллий вақт билан 21:15 (Тошкент вақти билан 21:45)да бошланиши белгиланган.
Маълумот учун, ЖЧ-2018 турнирига саралаш босқичи “А” гуруҳи 7-туридан кейин Ўзбекистон 12 очко билан учинчи ўринда бормоқда. “B” гуруҳидаги Таиланд эса 7 ўйиндан кейин 1 очко билан сўнгги, 6-поғонани банд қилиб турибди.