"Барселона" раҳбарияти ҳужумчи Лионел Месси билан янги шартнома имзолаш борасида иш олиб бормоқда.29 ёшли ҳужумчи билан амалдаги шартнома муддати 2018 йилнинг ёзида якунига етиши лозим. Клуб янги шартнома имзолаш имкониятларини қидирмоқда. "Барселона" раҳбарияти Мессига талаб қилинаётган 35 миллион евро тўлашга тайёр.
Мессининг ўзи ҳам янги шартнома борасида ижобий фикрда. Унинг ўғли Барселонадаги мактабга бормоқда ва рафиқаси Каталониядаги ҳолатидан батамом хурсанд. У фақат Аргентинага қайтиб бориш имкониятларини кўриб чиқишга тайёр.
Эслатиб ўтамиз, Хитой клубларидан бири Мессига йилига 50 миллион евро тўлашга тайёр. Аммо бу трансфер амалга ошиши эҳтимоли жуда паст.