Мадриднинг "Реал" клуби ҳужумчиси Криштиану Роналду барча даромадлари борасида маълумотларни ошкор қилди.Унга кўра Роналду 2015 йилда умумий жиҳатдан 203 миллион евро ишлаб топгани маълум бўлган. Ҳужжатларга кўра ҳужумчи солиқ бўйича мажбуриятларидан яхши хабардор ва уларни тўлиғича, виждонан бажариб келаётгани таъкидланган.
Аввалроқ, Spiegel нашри Роналду агенти Мендеш томонидан ишлаб чиқилган тизим бўйича 150 млн еврони яширганлигини хабар қилган эди. Бироз ўтиб, Мендешнинг компанияси Роналду барча солиқ мажбуриятларини бажарганлиги тўғрисида ариза билан чиқган.
Футболдаги ноқонуний пул айланмаларига қарши курашувчи Football Leaks гуруҳи, яқин уч ҳафта ичида ушбу мавзуга оид шов-шувли маълумотлар тақдим этишни ваъда қилмоқда.