Ўзбекистон - Сурия учрашувидан олдин ташкил этилган матбуот анжуманининг иккинчи қисмида меҳмонлар устози Айман Ҳаким қатнашди.
“Эртага бизни қийин ўйин кутиб турибди. Чунки Ўзбекистон терма жамоаси кучли рақиб. Эртанги баҳс биз учун катта синов бўлади. Шунга қарамай биз бор имкониятимизни ишга соламиз. Сабаби бу босқичдаги ҳар бир ўйин, ҳар бир очко жамоалар учун ўта муҳим”
"Жамоада иккинчи босқичдан кейин катта ўзгаришлар бўлмади. Бир икки янги футболчилар қўшилди. Аммо Сурия терма жамоасининг ўзаги ўша-ўша. Учинчи босқичда биз янги кучлар билан ўйнашимиз керак бўлади. Рақиблар даражаси жуда кучли".
Биз Тожикистон терма жамоасига қарши ўртоқлик учрашуви ўтказдик. Уларни ҳурмат қилган ҳолда шуни айтиш керакки, бу жамоа Ўзбекистон, Япония ёки Корея билан тенг савияли эмас. Бу ўйинда биз янги номларни синовдан ўтказдик. Ҳар бир ўйинга алоҳида таркиб билан тайёргарлик кўрамиз. Ўша ўйиндаги футболчилар эртага ҳам майдонга тушади демаган бўлардим", дейди Сурия терма жамоаси бош мураббийи.