"Барселона" клуби ҳужумчиси Лионель Месси Туркияга режалаштирган сафарини қолдиришга қарор қилди. Бунга ушбу мамлакатда юз берган Истамбулдаги тартибсизликлар сабаб бўлган.
Аргентиналик форвард Анталияда собиқ жамоадоши Самуэль Это'О ташкил қилган ҳайрия учрашувида иштирок этиши керак эди. Бироқ энди футболчи оиласи билан ҳордиқ чиқараётган Ибица оролида қолишни маъқул кўрди.
Эслатиб ўтамиз, Это'О ташкил қилган ўйинда – Карлес Пуйоль, Эрик Абидаль, Деко, Неймар, Луис Суарес, Франческо Тотти, Эден Азар, Андрес Иньеста ва ҳаттоки, Диего Армандо Марадона каби кўплаб жаҳон юлдузлари қатнашиши кўзда тутилган эди.