Мадриднинг “Атлетико” клуби ҳужумчиси Фернандо Торрес “Бавария”га (1:2) қарши кечган Чемпионлар лигаси ярим финалининг жавоб учрашувидан сўнг ўз фикрларини билдирди. Бу ҳақда "Uff.uz" хабар берди.
“Ўйин ўта юқори темпда ўтди. Биз бу жамоа билан фахрланамиз. Жамоа ҳақли равишда Чемпионлар лигаси финалига чиқди.
Биз Европанинг энг яхши жамоаларидан бирини таслим этдик. Орзуимиз сари яна бир қадам ташладик.
Биз ғалабаларни хоҳлаймиз ва ҳали “Атлетико” тарихида бўлмаган ютуққа эришишни истаймиз.