Бир вақтлар ўрталарида ҳаммаси жиддийдек туйилган ва мухлислар учун севимли бўлган машҳур жуфтликлар муносабатлари якун топишининг турли сабаблари бор.
Салмон Хон ва Айшвария РайФото: India ТоdayСалмон Хон истеъдодли актёр, яхши инсондир, лекин Айшвария уни тарк этишига унинг ҳаддан ортиқ рашкчилиги ва ўзини тутиши сабаб бўлган.
Шаҳид Капур ва Карина КапурФото: Wikimedia CommonsКарина ва Шаҳид турмуш қуришга қарор қилган, лекин актриса «Услуб» (Таshan) фильмининг суратга олиш жараёнида Саиф Али Хонни севиб қолган ва Шаҳидни ташлаб кетган.
Жон Абраҳам ва Бипаша БасуФото: «Яндекс Дзен»10 йилдан ортиқ муносабатда бўлган Болливуднинг энг чиройли жуфтликларидан бирининг ажрашишига Бипашанинг турмушга чиқишни исташи, Жоннинг эса оилавий ҳаёт қуришга тайёр бўлмагани сабаб бўлган. Бундан ташқари, актёрнинг Прия Ранчал билан алоқалари Бипашани уни тарк этишига сабаб бўлган, деган тахминлар ҳам бор.
Ранбир Капур ва Дипика ПадуконеФото: The Indian ExpressҲали ҳануз бир-бири билан дўстона муносабатда бўлган жуфтликнинг ажралиб кетишига Ранбирнинг хиёнати сабаб бўлган. Бу ҳақда Дипика Verve журналига берган интервьюсида маълум қилган.
Прити Зинта ва Несс ВадиaФото: Times of IndiaБир-бирига жуда ҳам мос бўлган жуфтлик ўртасидаги муносабатлар тугашига йигитнинг онасига актрисанинг ёқмагани ва ҳаммасига нуқта қўйилишига олиб келгани сабаб бўлган.
Акшай Кумар ва Шилпа ШеттиФото: Getty ImagesБугунги кунда ҳар икки шоу-бизнес вакилининг ўз оиласи бўлишига қарамай, бир вақтлар мухлисларга уларда ҳаммаси жиддийдек туйилган. Уларнинг муносабатлари якунига етишига Акшайнинг Твинкл Кҳаннага «ўралашиб» қолгани сабаб бўлган.
Абҳишек Баччан ва Каришма КапурФото: Filmside.netУнаштирилган ва тўй остонасида турган жуфтлик ўртасидаги муносабатларнинг якунига етишига Каришманинг онаси Бабита сабабчи бўлган. Айтишларига қараганда, бўлажак қайнона куёв тарафга ортиқча талаб ва истак қўйгани, ёшлар ҳаётига аралашавергани Баччанлар, хусусан, куёвга ёқмаган.
Ритик Рошан ва Сьюзан РошанФото: Getty ImagesМуносабатларини никоҳ билан боғлаганига 13 йил бўлган жуфтликнинг ажралишига Ритикнинг онаси Пинкининг ҳар нарсага аралашавериши сабаб бўлган. Бошқа версияга кўра, Сьюзаннинг зиёфат ва наркотикларга ўралашиб қолгани оиланинг дарз кетишига олиб келган.
Манба: Daryo.uz