Ўзбекистонда хизмат кўрсатган артист Райҳон Ғаниева ҳамда “Божалар” гуруҳи яккахони томонидан куйланган “Алдамагин” номли таронанинг клипи ҳам тайёр бўлди.Райҳон мазкур видеонинг трейлерини ўзининг Инстаграмдаги саҳифасига жойлади.
Райҳон Darakchi.uz нашрига клипнинг тақдимоти санасини маълум қилди:
“Клип ва қўшиқ ғоясини “Божалар” гуруҳи билан биргаликда яратдик. Мақсад мухлисларимизга ижобий ҳиссиётлар, яхши кайфият ва қувонч улашиш эди. Буни уддасида чиқамиз деган умиддамиз. Клип тайёр, премьерани 2 июнь куни тақдим қилишни режалаштирдик.”
Дарҳақиқат, клип трейлеридан уни қувноқ кайфият бағишловчи яна бир ижод маҳсули бўлганини кўриш мумкин.
Дарвоқе, Райҳон айни кунларда нималар билан бандлиги ҳақидаги саволга, бугуннинг ўзидаёқ оиласи билан дам олиш учун учиб кетаётганини ҳам айтиб ўтди.