Ўзбекистон халқ артисти Юлдуз Усмонова «Истиқлол» санъат саройида 11—23 апрель кунлари жонли ижрода бўлиб ўтадиган «Эй азиз инсон» номли концерт дастурининг чипта нархлари маълум бўлди.Юлдуз Усмонованинг расмий сайти маъмури Азамат Қодировнинг маълум қилишича, чипталар 27 январдан савдога чиқарилган.
«27 январдан бошлаб Юлдуз Усмонованинг концерт дастурига чипталар сотуви бошланди. Концертга тайёргарлик ва ташкилий ишлар ҳам бошлаб юборилган. Дастурнинг чипта нархлари 20 минг сўмдан 250 минг сўмгача қилиб белгиланган», — дейди Азамат Қодиров.