Актриса Шаҳзода Муҳаммедова либослар дўкони ва тикув фабрикасини очаётганини ҳақидаги ўзининг Instagram’даги саҳифаси орқали хабар қилди.Бундан бир неча ой аввал, актриса янги модалар уйини ташкил этган эди. Янги тикув фабрикаси юзасидан актриса Шаҳзода Муҳаммедова билан боғланганимизда, очилаётган фабрика ҳақида тўлиқ маълумот берди.
“Бундан аввал иккита шундай кичик тикув цехини ташкил этган эдик. Улардан бирини ёпиб, фаолиятимни кенгайтирмоқчиман. Очилажак тикув фабрикасида либослар ишлаб чиқарилади. Шунингдек, аёллар либослари дўкони ҳам ташкил этилади. Бу ерда 50 кишини иш билан таъминлашни режалаштирганман”, дейди актриса.