Актриса Асал Шодиеванинг Instagram`даги саҳифаси бузиб кирилди. Бу ҳақда мазкур ижтимоий тармоқ фойдаланувчилари бўлмиш бошқа санъаткорлар хабар бермоқда, дейилади "Даракчи" нашрида. Маълум бўлишича, актрисанинг номидан унинг бошқа ҳамкасбларига хабарлар йўлланмоқда ва шубҳали ҳаволаларга кириш сўралмоқда.
Актриса Дилноза Кубаеванинг номидан унинг мухлислари томонидан юритиладиган саҳифага ҳам Асал Шодиева хат “жўнатди”.
Унда хакерлар Асал Шодиеванинг номидан Дилноза Кубаева номи билан юритилаётган саҳифани бузиб кириш билан таҳдид қилган.
Маълумот учун, актриса Дилноза Кубаева ижтимоий тармоқлардан фойдаланмаслигини бир неча маротаба таъкидлаб ўтган.