Янги Конституциянинг асосий мезонлари айтилди

Президент Шавкат Мирзиёев Конституция байрами муносабати билан йўллаган табригида 2022 йилда янги қомус қабул қилинишини айтганди. Янги қомусда қуйидагилар асосий мезон бўлади:

• илгари амал қилиб келинган «давлат – жамият – инсон» тамойили «инсон – жамият – давлат» деб ўзгартирилади;
  
• иқтисодий ислоҳотлар жараёнида инсон манфаатларини таъминлаш бош мезон бўлади;
  
• «Жамият – ислоҳотлар ташаббускори» деган эзгу ғоя доирасида фуқаролик жамияти институтларининг ўрни ва мақоми мустаҳкамланади;
  
• оила институтини ривожлантириш, эзгу инсоний қадриятларни келгуси авлодларга безавол етказиш, миллатлараро тотувликни янада мустаҳкамлаш бўйича конституциявий асосларни белгиланади;
  
• ёшларнинг ҳуқуқ ва манфаатларини тўла таъминлаш мақсадида ёшлар соҳасидаги давлат сиёсати, уларни ҳар томонлама қўллаб-қувватлаш масаласи, ҳуқуқ ва бурчлари ўз аксини топади;
  
• «Янги Ўзбекистон – ижтимоий давлат» деган тамойил конституциявий қоида сифатида муҳрланади;
  
• инсон ҳуқуқларини ҳимоя қилиш бўйича амалдаги тизимнинг самарасини ошириш мақсадида болалар меҳнатига йўл қўймаслик, ногиронлар, кекса авлод вакилларининг ҳуқуқларини ишончли ҳимоя қилиш масалалари акс этади;
  
• табиатдаги глобал ўзгаришларни ҳисобга олиб, экологияга оид махсус боблар киритилади;
  
• Учинчи Ренессанснинг тўрт узвий ҳалқаси бўлмиш боғча, мактаб, олий таълим ва илм-фан соҳаларини ривожлантириш масалалари мустаҳкамланади.