Фуқаролик ишлари бўйича Каттақўрғон туманлараро судининг ижро варақасига асосан, фуқаро Э.Х.дан бир нафар фарзанди учун фуқаро Б.Н. фойдасига алимент тўлаши белгиланган.
Аммо, қарздор алимент пулларини ўз вақтида тўламади. Боз устига қарздор яшаш жойидан номаълум жойга кетиб қолди. Э.Х.га нисбатан қидирув эълон қилиниб, тезкор қидирув тадбирлари натижасида топилди ва тегишли тартибда Нарпай туман бўлимига келтирилди.
Қарздор Э.Х.нинг алиментдан бўлган қарздорлиги 18 миллион сўмдан ошиб кетган. Ушбу қарздорликни тўлашлик учун қарздор билан ўтказилган профилактик суҳбатлар натижасида қарздор турмуш ўртоғи билан ярашиб, оиласини тиклаш истаги борлигини билдирди.
Олиб борилган ижро тадбирлари давомида ушбу оила яраштирилиб, ижро ҳужжати Қонуннинг 40-моддаси 1-қисмига асосан тамомланди.