Мажбурий ижро бюросининг Мирзо Улуғбек туман бўлими ижро иши юритувида Тошкент туманлараро Иқтисодий судининг 27.07.2020 йилдаги № 4-1001-2009/7131-сонли ижро варақасига асосан, қарздор "ASIA NOXTON" хусусий корхонасидан ундирувчи “Рахманбердиева Азиза Абдуқодир қизи” якка тартибдаги тадбиркор фойдасига жами 825.000.000 сўм қарз ва давлат фойдасига 16.500.000 сўм давлат божини ундириш тўғрисидаги ижро ҳужжатлари бўлим иш юритувига 03.08.2020 йил куни келиб тушган.Мазкур ижро ҳужжати бўйича бўлим давлат ижрочиси С.Султаниязов томонидан 09.08.2020 йил куни Ўзбекистон Республикаси “Суд ҳужжатлари ва бошқа орган ҳужжатларини ижро этиш тўғрисида”ги Қонуннинг 23-моддасига асосан, ижро иши юритиш тўғрисида қарор қабул қилиниб, қарор нусҳаси тарафларга юборилган. Қарздорга тегишли мол-мулкларни аниқлаш ва ижро ҳужжати ижросини таьминлаш мақсадида, Қонунининг 87-моддаси талабларига мувофиқ, сўровномалар юборилган.
Мажбурий ижро ҳаракатлари давомида қарздор корхонадан ундирувчи тадбиркор фойдасига 825.000.000 сўм қарз хамда давлат фойдасига 16.500.000 сўм давлат божи жами 841.500.000 сўм қарздорлик пуллари бўлим давлат ижрочиси томонидан тўлиқ ундирилиб 19.01.2021 йилда Ўзбекистон Республикаси “Суд ҳужжатлари ва бошқа органлар хужжатларини ижро этиш тўғрисида”ги Қонунининг 41-моддасига асосан амалда тамомланган.