«Замин»ни Telegram’да ўқинг! Join!
Zamin.uz
, 05 2024, 12:05
ЎЗO‘Z

ССВда коронавирусни даволаш жараёнларига масъул тайинланди

16 июл, 08:24 2 295 Жамият
«Замин»ни Telegram’да ўқинг!
ССВда коронавирусни даволаш жараёнларига масъул тайинланди Абдуҳаким Мўминович Ҳожибоев Соғлиқни сақлаш вазирининг биринчи ўринбосари бўлди. Kun.uz манбаси хабар беришича, бу ҳақда президент раислигида пандемия билан боғлиқ вазият муҳокамасига бағишлаб ўтказилган видеоселекторда маълум қилинган.

Президент Соғлиқни сақлаш вазири ўринбосари Абдуҳаким Ҳожибоев коронавирусни даволаш билан боғлиқ бўлган жараёнларга масъул бўлиши ва Соғлиқни сақлаш вазирининг биринчи ўринбосари лавозимини эгаллашини маълум қилган.

Абдуҳаким Ҳожибоев 1951 йилда Тошкент вилоятининг Зангиота туманида туғилган. 1990-1999 йилларда Республика шошилинч тиббий ёрдам илмий марказида бош илмий ходим, академик В.Воҳидов номидаги Республика ихтисослаштирилган хирургик марказида бўлим бошлиғи бўлиб ишлаган.

1999-2000 йилларда Республика шошилинч тиббий ёрдам илмий маркази бош директори ўринбосари, 2000-2003 йилларда ва 2007-2016 йилларда илмий марказ бош директори бўлган.

У 2003-2007 йилларда ва 2016-2017 йилларда ҳам Соғлиқни сақлаш вазирининг биринчи ўринбосари лавозимида фаолият кўрсатган. 2017 йил апрелида эса у Соғлиқни сақлаш вазирининг ўринбосари – Республика шошилинч тиббий ёрдам илмий маркази бош директори лавозимига ўтказилган ва Баҳодир Юсупалиев Соғлиқни сақлаш вазирининг биринчи ўринбосари лавозимига тайинланганди.

Бугунги видеоселекторда президент Тошкент шаҳри ва Тошкент вилоятида коронавирусга қарши курашиш борасидаги ишларни танқид қилди ҳамда масъулларни огоҳлантирди. Хусусан, Соғлиқни сақлаш вазири Алишер Шодмоновга ҳайфсан берилди.

Ушбу видеоселектордан кейин телевидениега берган интервьюсида Абдуҳаким Ҳожибоев вазирнинг биринчи ўринбосари сифатида кўрсатилган. Унинг маълум қилишича, эндиликда коронавирус тести натижалари чиқишини тезлаштириш чоралари кўрилмоқда.

«Ҳозирда кўпчиликни тест таҳлилларини ўтказиш жараёни ташвишга солмоқда. Бу касаллик гумон қилинган одамлар қаерда бўлишидан қатъи назар, улардан тезлик билан тест олиш ва натижаларини тезлаштириш чоралари кўрилмоқда. Қўшимча ПЦР аппаратлари сотиб олинмоқда, қўшимча лабораториялар ташкил этилмоқда.

Қолаверса, Тошкент шаҳри ва Тошкент вилоятида ҳар бир туманда лабораториялар ташкил қилиниши, уларда ишловчи ходимларни тайёрлаб, лабораторияларни ишга тушириш бўйича топшириқ берилди.

Ундан ташқари, уйида даволанаётганларга етарли миқдорда дорилар харид қилиб, етказиш вазифаси қўйилди», деган у.

Эслатиб ўтамиз, шу йилнинг апрелида Баҳодир Юсупалиевга вазирлик ҳузуридаги Санитария-эпидемиологик осойишталик агентлиги директори вазифасини бажариш ҳам юклатилганди. Айни вақтда у Соғлиқни сақлаш вазирининг биринчи ўринбосари лавозимини сақлаб қолган.




Мавзуга оид янгиликлар
  • Россиялик зобитнинг Бухорода кўрган-кечирганлари... 05 мая, 11:05 47
  • Аёллар эркакларга қараганда узоқроқ яшашади, лекин... 05 мая, 10:13 30
  • “Хуфёна иқтисодиётга қарши кураш иллюзияси” — Солиқ қўмитасининг режалари нега танқидга учради? 05 мая, 00:23 118
  • Олимлар арилар сонининг камайишидаги «асосий» янги омилни аниқлади 04 мая, 23:13 122
  • Гулистонда Nexia автомашинасининг газ баллони портлаб кетди (видео) 04 мая, 20:19 221
  • Наманганда 50 долларлик қалбаки купюраларни сотишга уринган шахс ушланди 04 мая, 16:53 54
  • Сўнгги янгиликлар
  • Порошенко Россияда қидирувга берилганига жавоб қайтарди 05 мая, 11:48 17
  • Роналду Мессидан узоқлашмоқда! 05 мая, 11:23 9
  • Россиялик зобитнинг Бухорода кўрган-кечирганлари... 05 мая, 11:05 46
  • 118:9: “Барселона” футбол ўйнашни қизлардан ўргансин! 05 мая, 11:00 28
  • Аёллар эркакларга қараганда узоқроқ яшашади, лекин... 05 мая, 10:13 30
  • Сауль Альварес ва Хайме Мунгиа иштирокидаги жанг тўлиқ давом этди 05 мая, 09:59 26
  • Месси америкаликларни ҳайратга солишда давом этмоқда 05 мая, 09:53 49
  • Месси “даҳшатли” кўрсаткич қайд этди (видео) 05 мая, 09:51 60
  • Германияда Геббелснинг вилласи исталган одамга бериб юборилиши эълон қилинди 05 мая, 07:16 139
  • Канчельскис Ўзбекистон ва Қозоғистон футболини таққослади: "Улар жуда олдинлаб кетишган" 05 мая, 06:55 192
  • Хомяков "Андижон"нинг Суперлигадаги илк мағлубияти ҳақида қандай изоҳ билдирди? 05 мая, 06:26 88
  • Иван Бошкович: "Ўйин вақтидаги эмоциялар нормал ҳолат" 05 мая, 06:00 48
  • Бўлимлар