“Yuksalish” умуммиллий ҳаракати COVID-19 аломатларининг кунлик жадвалини эълон қилди.Коронавирус симптомлари вирус одам организмига тушганидан сўнг ўртача 5 — 6 кундан сўнг маълум бўлади. Унинг инкубацион даври 14 кун давом этади.
Covid-19 симптомлари қуйидаги тартибда намоён бўлади:
1-4 кун
Асосий аломати – тана ҳарорати кўтарилади. Баъзиларда мушаклар оғриши, қуруқ йўтал, кўнгил айниши ва ич кетиши кузатилади. Касаллик бошланиши енгил шаклда бўлиши ҳам мумкин, бунда бемор жиддий қабул қилмайди.
5-6 кун
Нафас олиш қийинлашади. Айниқса, мавсумий касалликлари бор ёши катталар, қарияларда кузатилади.
7-8 кун
Нафас олиш янада қийинлашади, бироқ ушбу даврда бошқа аломатлар кучсизланиши мумкин.
9-10 кун
Инфекцияни бошидан оғир кечираётган беморлар жонлантириш бўлимига ўтказилади. Барча аломатларга қорин соҳасида оғриқ ҳам қўшилади.
12-кун
Беморлар тузала бошлайди, ҳарорат кўтарилиши тўхтайди.
17-кун
Соғайганларга жавоб берилади.