Бюронинг Олмазор тумани бўлими иш юритувига Фуқаролик ишлари бўйича Шайҳонтохур туманлараро судининг 09.12.2019 йилги ижро варақасига асосан, қарздор “TIN GROUP” МЧЖдан Трастбанк ХАБ фойдасига 3 млрд. 422 млн. 702 минг сўм ундириш тўғрисидаги ижро ҳужжати 15.06.2020 йил куни келиб тушган. Шу куни ижро ҳужжати қўзғатилиб давлат ижрочиси Д.Зиятов томонидан қарздорга ихтиёрий тўлаш учун муддат берилган. Қарздор жамият қонун талаблари асосида ижро ҳужжатини ижросини зудлик билан таъминлади, берилган ихтиёрий муддатда 3 млрд. 422 млн. 702 минг сўм миқдоридаги қарздорлик бўлим томонидан тўлиқ ундирилди ва 2020 йил 16 июнь куни ижро ҳужжати тамомланди.