А.Акбаров (ўзгартирилган) турмуш ўртоғи Д.Акбарова (ўзгартирилган) билан қонуний никоҳдан ўтиб, ўзаро оилавий келишмовчиликдан юзасидан бир-бирлари билан яшамасдан, қонуний тартибда ажрашмасаларда, хуқуқбузар А.Акбаров фуқароларнинг шаърий никоҳларини ўқишлик учун рухсатномаси бўлмасада, “Ўлмасхон” исмли қиз билан шаърий никоҳ ўқиб олиб ҳуқуқбузарлик содир этган. Ҳуқуқбузар А.Акбаров судда, 2018 йил 2 май куни Қува тумани, Бўстон кўчасида яшовчи Д.Акбарова билан қонуний никоҳ асосида турмуш қурганлигини, ўзаро оилавий келишмовчиликлар сабаб жанжаллашиб, Д.Акбарова уйига кетиб қолгани, ҳар икки тараф ҳам оилани сақлаб қолиш учун ҳаракат қилмаганлигини, шундан сўнг 2020 йил 10 январь куни “Дилобар” исмли қиз билан шаърий никох ўқитиш учун бир нечта домлага борганлигини, бироқ домлалар никоҳ қоғози бўлмаганлиги учун кескин рад қилишганлигини, шундан сўнг ўзи шаърий никохни ўқиганлиги, лекин шаърий никоҳ ўқиш учун рухсатномаси йўқлигини, ҳозирда ҳаракати ноқонуний эканини тушуниб етганини билдирган.
Судда ҳуқуқбузар А.Акбаровнинг қонуний турмуш ўртоғи Д.Акбарова суд муҳокамасида, 2018 йил 2 май куни А.Акбаров билан қонуний тартибда турмуш қурганлигини, ҳозирда бир неча ойдан буён оилавий келишмовчиликлар сабабли бирга яшамаётганлигини, ўзи ҳозирги кунда ота-онаси билан бирга яшаётганлигини, 2020 йил январь ойида собиқ турмуш ўртоғи А.Акбаров ўзи билан қонуний ажрашмай туриб, бошқа аёл билан шаърий никоҳ асосида яшаётганини билгани, ҳозирда собиқ турмуш ўртоғи А.Акбаровга нисбатан қонуний чора кўришни сўради.
Суд ишни атрофлича кўриб чиқиб ҳуқуқбузарга нисбатан 10 сутка маъмурий қамоқ жазоси тайинлади.
Муқаддам Қува туманида жойлашган жомъе масжидларининг имомлари, шунингдек диний билимлари бор баъзи бир “шахслар” томонидан ҳам бир неча маротаба ноқонуний шаърий никоҳ ўқиш ҳолатлари ҳам кузатилган ва тегишли тартибда жазога тортилган эди.
Шундан сўнг Қува туман маъмурий суди томонидан имомлар билан учрашиб, тегишли тартибда имомлар ва диний билимга эга бўлган “шахслар” га тушунтириш ишлари олиб бориши сўралган эди.
Ҳуқуқбузар А.Акбаров судда бир нечта домлани олдига бориб илтимос қилганлигини, бироқ улар никоҳ қоғози бўлмаганлиги учун қатъий равишда рад этганлигини, иложи қолмаганидан сўнг ўзига-ўзи китобга қараб ўқиганлигини айтиб ўтган. Суд, Қува туман имом хатиблари томонидан ҳуқуқбузарликларни олдини олиш бўйича ўтказаётган профилактикаси самара берганлигидан мамнун бўлиб, келгусида жиноятчилик ва ҳуқуқбузарликларни олдини олиш бўйича бор имкониятини ишга солади.
Қува туман маъмурий суди раиси
А.Жумаев
А.Жумаев