Фото: ИИВ ЙҲХББ ахборот хизмати4 январь куни соат 08:10 ларда Андижон вилояти Хўжаобод туманидан ўтувчи йўлда Mercedes русумли машина бошқарувни йўқотиб, симёғочга урилган, деб хабар беради ИИВ ЙҲХББ ахборот хизмати.
Фожиа оқибатида машина ичида бўлган 45 ёшли марғилонлик йўловчи тан жароҳатлари олиб, шифохонада вафот этган. 1964 йилда туғилган яна бир йўловчи эса ҳозирда шифокорлар назоратида.
Дастлабки маълумотларга кўра йўл-транспорт ҳодисаси ҳайдовчининг транспорт воситасини бошқариш вақтида ухлаб қолиши, бунинг натижасида рул бошқарувини йўқотиб, йўл четидаги темир симёғочга урилиши оқибатида содир бўлган.