Янги Зеландиянинг Уайт-Айленд оролида вулқон отилиши қурбонлари сони 17 кишига етди. Бу ҳақда «ТАСС» хабар бермоқда.Мазкур ҳодиса 9 декабрь куни рўй берган, бу пайт орол ва унинг атрофида 47 киши, жумладан, маҳаллий аҳоли ҳамда Австралия, АҚШ, Буюк Британия, Хитой ва Малайзиядан келган сайёҳлар бўлган.
Вулқон отилишидан кейин расмийлар 9 нафар қурбон ҳақида хабар берди, кейинчалик бир киши касалхонада оламдан ўтди. 13 декабрь куни ташкил этилган қидирув операцияси давомида 6 кишининг жасадига дуч келинганди.
Янги Зеландия радиосига кўра, касалхонада жабрланганлардан яна бири вафот этган.
Ҳозирда икки киши бедарак йўқолган ҳисобланмоқда.
Маълумот учун, Уайт-Айленд Янги Зеландиядаги ягона фаол вулқон ороли ҳисобланади.