Quora нашри "Эркакларнинг муваффақият калитларидан бири бу аёллар эътибори"- дея изоҳ беради. Ҳар бир йигит ёки эркак киши бирорта латофатли аёлни ўзига мафтун қилишни хоҳлайди. Энг эътиборсиз деб билган одамингиз ҳам аслида аёллар эътиборида бўлишни хоҳлайди. Статистик маълумотларга қараганда, эркак киши кўпинча аёллар эътиборида бўлиб юрса, у қайси соҳада иш бошламасин, омади келаверар экан. Қуйида берадиган ажойиб маслаҳатларимиз сизни шубҳасиз, кўча тили билан айтганда, аёлларнинг "любимчиги"га айлантиради.Биринчи навбатда, ўзингизга эътибор қаратинг. Эрталаб уйғонгач душ қабул қилинг, соқолингизни олинг ва албатта, сочингизнинг тоза эканлигига ишонч ҳосил қилинг! Аёллар учун эркакларнинг шахсий гигиенага қанчалик эътибор қилишини тасаввур ҳам қилолмайсиз. Уларнинг эътиборини тортишда бу энг муҳим омиллардан биридир.
Кийиниш масаласи бирозгина бошингизнини қотиради. Шуни унутмангки, аёл кишининг кўнглини олиш ёки уни мафтун қилиш учун сизга жуда қиммат бренддаги кийимларни кийиш шарт эмас, бунинг учун кийимларингизни ҳамоҳанг тарзда уйғунлаштиришингизнинг ўзи кифоя! Кийимлар рангини танлашда қийналаётган бўлсангиз, бирорта яқинингиз бўлган аёл киши ёки қиз боладан маслаҳат олсангиз, кўзлаган мақсадингизга тезроқ эришасиз! Фақат аёлларгина сизга нима ярашишини аксарият ҳолларда тўғри маслаҳат бериши мумкин!
Яна муҳим қоидалардан бири бу ўзингизга бўлган ишонч! Аёллар бу нарсани жуда тез пайқашади ва айнан шу жиҳатингиз учун сизга анча қизиқиш билдиришади.