Фото: «Fishki»Ширин булғори ёки гармдори одатда қизил, сариқ ёки яшил рангда бўлади. Бироқ табиатда қўнғир ва бинафша ранглилари ҳам учрайди. Булғориларнинг ранг-баранглиги нимани англатади?
Булғори техник ва биологик йўл билан пишади. Биринчи ҳолатда — мева етарлича етилмайди, лекин истеъмолга яроқли бўлади. Мазкур босқичда у яшил, оч гунафша ва тўқ бинафша рангда бўлиши мумкин. Тўлиқ пишганда меванинг бу навлари қизил тусга киради — бундай булғори биологик пишган саналади. Охирида у шоколад-қўнғир рангга киради.
Фото: «Fishki»
Булғори ранги у ёки бу пигмент борлигига бевосита боғлиқ. Мазкур маҳсулотни ликопин қизил, бета-каротин сариқ, хлорофилл яшил, антоцианлар бинафша рангга бўяйди. Диққатга молик жиҳати шундаки, табиий пигментлар булғори ҳатто узоқ муддат сақланганда ҳам парчаланмайди, айнан уларнинг кўп миқдорда бўлиши маҳсулотни фойдали қилади. Таркибида С витамини кўплиги бўйича булғори лимон ва қора смородинадан, А витамини бўйича эса сабзидан қолишмайди. Бундан ташқари, булғори таркибида магний, йод, рух, кальций, калий, фосфор, темир ҳамда одам саломатлиги учун бошқа фойдали элементлар мавжуд.