Саида Мирзиёева унга нима куч бағишлашини айтди

^{Фото: Facebook/Саида Мирзиёева}
Ахборот ва оммавий коммуникациялар агентлиги директори ўринбосари Саида Мирзиёева «Facebook»даги саҳифасида унга нима куч бағишлашини айтди.

«Йиллар шу даражада шиддат билан ўтиб кетаяптики, ушбу суратга ҳам мана 6 йил бўлибди. Чарчаган чоғимда ёки бирон бир масала ечимида қийинчиликларга дуч келганимда турмуш ўртоғимнинг мустаҳкам елкаси ҳамда фарзандларимнинг қайноқ меҳри менга янада куч бағишлайди.

Бизнинг ҳар бир қароримиз оилаларимиз фаровонлиги, фарзандларимиз бахти ва қувончига сабаб бўлиши керак. Аслида инсондан ўзи шу қолар экан. Йиллар шиддат билан ўтиб кетмоқда...» — дейди Саида Мирзиёева.