Ижтимоий тармоқларда вояга етмаган болаларни уруштираётган эркакларнинг видеоролиги пайдо бўлди, деб хабар қилади Repost.Роликдан кўриш мумкинки жанжал ёши катта эркаклар томонидан атайлаб ташкил этилган — улар жараёнга аралашиб, ора-сира болаларни ажратиб турибди.
Маълум бўлишича, ролик Фарғона вилоятида бир неча ой олдин тасвирга олинган. Ҳозирда мазкур ҳолат ҳуқуқ-тартибот идораларини қизиқтириб қўйган ва улар кўнгилсиз ҳодисанинг тафсилотларини ўрганмоқда.