Тошкентда йўл транспорт ҳодисаларини камайтириш, автомобиллар ҳаракатланишини тартибга солиш мақсадида Тошкент шаҳар ИИБ, ЙҲХ бошқармаси кўпгина ишларни амалга ошириб келмоқда. ЙПХ ходимлари туну кун навбатчиликда туриб, қоидабузарларга чора кўришда давом этмоқда. Маълумотларга кўра, 2018 йил давомида Тошкент шаҳар ИИББ ЙҲХБ йўл патруль хизмати инспекторлари томонидан жами 772,060 та қоидабузарликлар аниқланган.Булардан 159,695 таси қўпол қоидабузарликлар, 3052 нафар ҳайдовчилар транспорт воситасини маст ҳолда бошқарган. “Радар”лардан қўрқмасдан тезликни оширган ҳайдовчилар 26,150 нафарни ташкил этади. Яна 8714 нафар ҳайдовчилар светофорнинг тақиқловчи қизил чироқларига бўйсунмаган. 78,646 нафар ҳайдовчи одам ташиш қоидасини бузган. Шунингдек, 26,025 нафар ҳайдовчилар тўхташ ва тўхтаб туриш қоидасини бузганлиги учун чора кўрилгани қайд этилган.
Ўтган 2018 йилда пиёдаларга нисбатан ҳам кескин чоралар кўрилган. Аниқроғи йил давомида 31,617 нафар пиёдалар йўлнинг белгиланмаган қисмидан ўтганлиги учун жаримага тортилган.
Бундан ташқари 1877 нафар ҳайдовчилар транспорт воситасининг ойналарини тегишли рухсатномасиз қорайтирган ҳолатда ҳаракатланганлиги, 7320 нафар ҳайдовчи уяли телефондан фойдаланганлиги, 340,549 нафар ҳайдовчи хавфсизлик камарини тақмасдан ҳаракатланганлиги учун маъмурий баённома расмийлаштирилгани айтилади.