Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасининг ташаббуси ҳамда Ўзбекистон Республикаси Ахборот технологиялари ва коммуникацияларини ривожлантириш вазирлиги ва Ахборот-коммуникация технологияларини ривожлантириш Жамғармасининг молиявий кўмаги, шунингдек «Mobi Tel Inform» МЧЖнинг ташкилий-техник ёрдами асосида Пенсия жамғармаси томонидан пенсия ва нафақаларни олувчи шахсларга SMS-Pensiya интерактив хизмати тақдим этилганлигини маълум қилинди.Ахборотни олиш учун индивидуал равишда SMS–сўрови талаб қиладиган SMS-хабарлар қуйидагилардан иборат:
1.Пенсия ёки нафақа миқдорини аниқлаш учун:
Жорий даврга - *7000007*61# ни SMS тарзида қисқа 10711 рақамига юборинг
Олдинги давр учун - *7000007*61*052018# ни SMS тарзида қисқа 10711 рақамига юборинг.
Бунда, 7000007 - пенсия ва нафақа олувчининг пенсия гувоҳномасидаги шахсий хисоб рақами;
61 - SMS тизимидаги код;
052018 – талаб қилинган (ўтган) давр учун SMS–маълумот. Ушбу давр SMS- сўров юборилган санадан 3 ой мобайнида бўлиши зарур.
2.Пенсия ёки нафақа тайинланган санани аниқлаш учун - *7000007*63# ни SMS тарзида қисқа 10711 рақамига юборинг.
Ушбу тадбирлардан мақсад, пенсионерларга қўшимча қулайликлар яратиш ва уларнинг фаровонлигини оширишга қаратилган.