2014 йилнинг 4 декабрида қабул қилинган ЎРҚ-379-сонли қонунга кўра, Солиқ кодексининг 375-моддасига якка тартибдаги тадбиркорлар томонидан тўланадиган қатъий белгиланган солиқларни тўлаш тартибига ўзгартиришлар киритилди, Бу ҳақида «Norma.uz»га асосланиб «Kun.uz» хабар бермоқда.Якка тартибдаги тадбиркор сифатида рўйхатдан ўтишни хоҳлаган касб-ҳунар коллежлари битирувчиларига 2015 йилдан бошлаб солиқ имтиёзи берилади, унга кўра улар якка тартибдаги тадбикрор сифатида давлат рўйхатидан ўтганларидан бошлаб 6 ой мобайнида солиқ тўлашдан озод этиладилар. Фақат бунда битта шартга амал қилиш лозим бўлади – битирувчилар якка тартибдаги тадбикрор сифатида коллежни битирганларидан кейин 12 ой ичида давлат рўйхатидан ўтган бўлишлари лозим.
Агар битирувчи ўз тадбиркорлик фаолиятини давлат рўйхатидан ўтгандан кейин 12 ой ичида тугатса, унда у ўз тадбиркорлик фаолияти билан шуғулланган шу давр учун барча солиқларни тўла ҳажмда тўлаши лозим бўлади.
Давлат бу солиқ имтиёзини киритиш билан коллеж битирувчиларини тадбикорлик билан шуғулланишга рағбатлантирмоқда, чунки давлатимизнинг келажак тараққиёти айнан ёш тадбикорларга боғлиқдир.
фото: Kun