Ўзбекистон Республикаси Иқтисодий процессуал кодекс лойиҳаси норматив-ҳуқуқий ҳужжатларнинг муҳокамаси порталида умумхалқ муҳокамаси учун жойлаштирилди, деб ёзади Qalampir.uz нашри.Кодекс лойиҳаси Ўзбекистон Олий суди томонидан тайёрланган бўлиб, унда Хўжалик процессуал кодекси нормалари асос қилиб олинган.
Кодекс лойиҳаси 5 бўлим, 36 боб, 334 моддадан иборат.
Иқтисодий судловининг асосий мақсадлари: тадбиркорлик фаолияти билан шуғулланувчи юридик шахслар ва жисмоний шахсларнинг иқтисодий соҳада қонуний манфаатларини ва ҳуқуқларини ҳимоя қилиш, иқтисодий соҳада қонунчиликни мустаҳкамлашга кўмаклашиш, қонун бузилишларини олдини олиш ҳамда қонун ва судни ҳурмат қилиш муносабатларини шакллантиришдан иборат.
Ҳужжат лойиҳаси муҳокамаси 2017 йилнинг 10 августига қадар давом этади.