Тошкент шаҳрида вояга етмаган шахснинг машина олиб қочиши билан боғлиқ жиноят фош этилди. Бу ҳақда ИИВ расмий сайтига таяниб Дарё хабар берди.«9 июль куни соат 22:20 дан 10 июль куни соат 03:30 ларгача бўлган вақт оралиғида номаълум шахс томонидан Тошкент шаҳар Чилонзор тумани D20/2-уй олдида калити ичида қаровсиз қолдирилган, шу уйда яшовчи, 1983 йилда туғилган А.Д. га тегишли Cobalt русумли автомобиль олиб қочилган», — дейилади хабарномада.
Олиб борилган қидирув ва суриштирув ишлари натижасида автомобиль Учтепа тумани, 11-мавзе, 2-уйда жойлашган «Малиш» дўкони қаршисида бетон бордюрга урилган ҳолда топилди. Номаълум шахс автомобиль салонидаги 400 минг сўм пул маблағларини олиб, воқеа жойида автомобилни ташлаб кетган.
Кўрилган чоралар натижасида ушбу жиноятни Учтепа туманида яшовчи, 2000 йилда туғилган Ю.Ғ. содир этганлиги аниқланиб, у 12 июль куни ушланди.