8 июль куни Ташқи ишлар вазири Абдулазиз Комилов тўғридан-тўғри мулоқоти чоғида тушган саволларни ечиш йўллари, жумладан қонунчилик ва қонуности ҳужжатларига ўзгартиришлар киритиш бўйича таклифлар батафсил муҳокама қилиш юзасидан идоралараро мажлис ўтказди.Мажлис ишида Президент Девони, Бош прокуратура, Ички ишлар вазирлиги, Бандлик ва меҳнат муносабатлари вазирлиги, Давлат божхона қўмитаси, Бандлик ва меҳнат муносабатлари вазирлиги ҳузуридаги Ташқи меҳнат миграцияси масалалари бўйича агентлик ва бошқа давлат структуралари вакиллари иштирок этишди.
Унда Ўзбекистон фуқароларининг чиқиш визаларини олиш билан боғлиқ кўп сонли муаммолари (тўғридан-тўғри мулоқотга мурожаат қилганларнинг 9,5%) борасида турли вариантлар, хатто уларни тўлиқ бекор қилиниш ҳақида мулоҳазалар билдирилди, деб хабар қилади вазирлик матбуот хизмати.
Хориждаги меҳнат фаолиятини лицензиялаш ва ундан келиб чиқадиган консуллик хизматларини кўрсатиш бўйича имкониятлар борасида жорий амалиётни соддалаштириш ва он-лайн рўйхатга олиш тизимини жорий қилиш тўғрисида таклиф билдирилди.
Манба: uz24.uz