Бугун, 7 июнь куни Халқаро Пресс-клубда Ўзбекистон олий таълим тизимида олиб борилаётган ислоҳотлар ва 2017-2018 ўқув йили учун абитуриентлар қабулига бағишланган анжуман бўлиб ўтди.
Тадбирда қатнашган "
Кун.уз" ходимига кўра, унда 68 балл ва ундан камроқ балл олганларнинг қўшимча шартнома (суперконтракт) бўйича ўқиш масаласи кўтарилди.
Мутахассиснинг сўзларига кўра, 4 баллгача паст балл олган абитуриентлар қўшимча контракт бўйича таълим олади. Ундан кейинги ставкалар олинган баллга қараб боқичма-босқич кўпаяверади. Бу ставкаларнинг белгиланиши ҳар бир олий таълим муассасасининг моддий эҳтиёжларидан келиб чиқиб белгиланади. Қўшимча ўринлар ҳам барча ОТМларнинг имкониятларини ҳисобга олган ҳолда яратилади.
Олий ва ўрта-махсус таълим вазири биринчи ўринбосари Иномжон Мажидов бу борада қўшимча қилди: "Квотадан ташқари олий таълим муассасасининг имкониятларидан келиб чиқилади. Бунда биринчи шарт - олий таълим муассасасида қўшимча қабул учун имконият бўлиши керак. Иккинчидан эса, ўша белгиланган суммани тўлаш имконияти мавжуд бўлиши масаласи бор.
68 балл олди - талаба бўлди дегани эмас. Нега? Масалан, олий ўқув юртларида 1 баллни олсак, шу 1 баллнинг ўзини ичида бир ОТМда 50 абитуриент, бошқасида эса 2 нафаргина ўтирган бўлиши мумкин. Суперконтрактни белгилашда биринчи қадам 1,5 - 2 - 2,5 баробар ва ҳ.к. тартибда кетади".
Маълум қилинишича, ҳозирда бакалавр босқичига ўқишга қабул қилиш тўғрисидаги низомга ўзгартиришлар киритиш бўйича ишлар бошланган. Шундан келиб чиқиб янада аниқ маълумотлар берилади.