Бугун, 17 май куни Ўзбекистон Республикаси Президенти Шавкат Мирзиёев Сирдарё вилояти маркази Гулистон шаҳрига ташриф буюради. Бу ҳақда ишончли манбаларимиз хабар берди.
Ташриф давомида вилоятда амалга оширилаётган бунёдкорлик ишлари, ижтимоий-иқтисодий лойиҳалар ижроси, мактаблар ва МТМлар фаолияти билан танишиш режалаштирилган.
Тошкент ва Сирдарё вилоятлари, Гулистон шаҳрининг йўлларида ободонлаштириш ишлари олиб борилмоқда.
Хитойга уюштирилган 5 кунлик сафар якунлангач, Шавкат Мирзиёев Тошкент шаҳар Шайхонтоҳур туманига ташриф буюриши мумкинлиги ҳақида хабар берган эдик. Ушбу ташриф Сирдарёдан кейинга қолди.