Ёшлар ўртасида бу жиноятга қўл уриш кўп ҳолларда бошқаларга кўр-кўрона эргашиш, жиноий қилмишнинг оқибатини тўла англаб этмаслик ёки қасддан ушбу жиноятга қўл уриш каби ҳолатларда намоён бўлади. Кузатишларга кўра, доимий равишда кўча-кўйда бемақсад юрадиган, майда безорилик содир этишга мойил ўсмир ва ёшлар томонидан ушбу турдаги жиноятлар содир этилмоқда, деб ёзади Hordiq.uz.Икки нафар шоввозлар – 1992 йилда туғилган Ж.Маҳмудов ва 1996 йилда туғилган Б.Бобоевлар (исмлари ўзгартирилган) 2017 йил 25 апрель куни оқшом чоғи кўчанинг хилват жойида 1993 йилда туғилган С.Хга ҳаёти ва соғлиги учун хавфли бўлган зўрлик ишлатган ҳолда унинг 700 000 сўмлик “Самсунг” русумли қўл телефонини очиқдан-очиқ талон-тарож қилиб воқеа жойидан яширинишган.
Ушбу жиноятни содир этганлиги учун Ж.Маҳмудов ва Б.Бобоевлар Жиноят Кодексининг тегишли моддасига кўра, жавобгарликка тортилди.