Фигурали учиш бўйича икки карра олимпия чемпиони Евгений Плюшенко Тунги хоккей лигасининг гала-матчидан сўнг Владимир Путинни дунёнинг энг зўр спортчи президенти, деб атади, дея хабар берди хориж нашрларига асосланиб Даракчи.уз. Собиқ спортчи Instagtam саҳифасига қуйидаги сўзларни ёзди:
“Биз “Хоккей афсоналари” гала-матчида Тунги терма хоккей лигасига ютқаздик. Бугун илк маротаба ютқазганимиз алам қилмади, чунки президентимизнинг жамоаси ғалабага эришди. Владимир Владимирович моҳирона тарзда олтита шайба киритди. Ҳақиқатан ҳам президентимиз улуғ одам ва дунёнинг энг зўр спортчи президентидир!”
Учрашув Сочи шаҳрининг “Большой” муз саройида 10 май куни бўлиб ўтди ва таркибида Россия президенти Владимир Путин, Россия хоккей терма жамоасининг собиқ хоккейчилари Павел Буре ва Валерий Каменскийлар бўлган “Хоккей афсоналари” жамоасининг 17:6 ҳисобидаги ғалабаси билан якунланди. Мазкур жамоа Россия президенти Владимир Путиннинг ташаббуси билан тузилиб, унинг таркиби собиқ хоккейчилардан иборатдир. Россия президентининг ўзи ҳам лиганинг гала-матчларида 2012 йилдан бери иштирок этиб келади.