Юридик хизмат ходимларига адвокатлик лицензиясини олишда қулайлик яратилди, деб хабар беради Ўзбекистон Адлия вазирлиги ахборот хизматига асосланиб "Кун.уз" нашри.Ўзбекистон Республикаси Президентининг 2017 йил 19 январь кунги ПҚ-2733-сон “Юридик хизмат фаолиятини тубдан такомиллаштириш чора-тадбирлари тўғрисида”ги Қарорига кўра давлат органлари ва ташкилотлари юридик хизматларининг мазкур мутахассислик бўйича уч йиллик стажига эга бўлган ходимлари, лицензия олиш учун адвокат мақомига эга бўлишга талабгор шахс сифатида малака имтиҳонида тегишли амалиёт ўтмасдан иштирок этиш ҳуқуқига эгалиги белгиланди.